जुनी पत्र चाळताना
दिवसही जुनाच होतो,
तो तुझा तसाच चेहरा
नजरेसमोर विनाच येतो. ..

जुन्या पत्रांमधून का ना
असते तू माझीच फक्त,
पत्रामधला शेवट आता
'फक्त तुझीच' बिनाच होतो. ..

जुन्या पत्रांमध्ये भेटते
आता तू नवी-नवीशी,
माळरानावरचा आता
पावसाळा सुनाच जातो. ..

विचारतो सूर्य मजला
कुठे सावली गेली तुझी?
आजकाल का इथे
तू एकटाच येतो?

भेटणे शक्य नाही म्हणुनी
जुन्या पत्रांमध्ये शोधतो;
आणि गाण्यांमधुनी माझ्या
मी फक्त तुलाच गातो. ..

© विशाल इंगळे